影片
更多
2014-10-07
494 瀏覽
第一次食丼丼屋，晚餐時間好多人呀，兩個人食飯都要等半個鐘先有得入座，好似反映丼丼屋應該真係水準幾高 咁價錢都唔平架，我同朋友一人一個丼，$88，如果升級做定食（連湯、沙律同飲品）重要加多$15 我點咗汁燒牛扒石頭鍋丼，賣相好吸引之餘，個丼真係好香噴噴 撈勻咗啲汁同隻生雞蛋之後，真係好好食咁 個飯撈咗啲汁同蛋，加上石鍋將佢微微烤焦，香脆得嚟好好味 至於啲牛扒都好入味，佢切成小塊容易入口，不過有少少鞋，如果煮快少少會更好我朋友點咗滑蛋吉列廣島蠔丼，蛋真係幾滑，亦唔會淡而無味，唔錯啲蠔食落都好好味，炸得透同脆之餘唔覺得成口油或者好硬好乾咁，咁都好考工夫架 PS 我同我朋友都唔食蘿蔔架所以無得品評喇，各位自己try try
咁價錢都唔平架，我同朋友一人一個丼，$88，如果升級做定食（連湯、沙律同飲品）重要加多$15
我點咗汁燒牛扒石頭鍋丼，賣相好吸引之餘，個丼真係好香噴噴
撈勻咗啲汁同隻生雞蛋之後，真係好好食咁
個飯撈咗啲汁同蛋，加上石鍋將佢微微烤焦，香脆得嚟好好味
至於啲牛扒都好入味，佢切成小塊容易入口，不過有少少鞋，如果煮快少少會更好
我朋友點咗滑蛋吉列廣島蠔丼，蛋真係幾滑，亦唔會淡而無味，唔錯啲蠔食落都好好味，炸得透同脆之餘唔覺得成口油或者好硬好乾咁，咁都好考工夫架
PS 我同我朋友都唔食蘿蔔架所以無得品評喇，各位自己try try
張貼
