しゃぶしゃぶ四季 (已結業)

星期日行咗入新港城搵晚餐，度度都要排隊，見呢間排隊最快（都排左差唔多半個鐘），又見佢有燒牛肉飯，一於入去試食，點知….入到去佢話無燒牛肉飯食🤷🏻‍♂️🤷🏻‍♂️🤷🏻‍♂️心諗what the..————————————————————————四季呢個牌頭..有種被騙既感覺🥲————————————————————————芝士牛肉飯真心，吉野家嘅牛肉飯可能會更加好食，只係吉野家冇芝士粉咁解😂呢個飯完全就係牛肉同白飯，少少牛肉汁都冇，dry到一個點….————————————————————————番茄湯雞肉雞串烏冬蕃茄湯底係唔差嘅，不過舊雞就完全冇斬大大舊咁就咁放落去，誠意真係欠奉。勝在有個電磁爐，保持到食物既溫度？🤷🏻‍♂️————————————————————————諗住都叫做日本嘢，就叫個關東煮試吓。湯底嘅味道普通，而且唔夠熱。最想食嘅福袋入面就剩係得麻薯，成個口感好奇怪😕————————————————————————題外話，食緊呢餐飯嘅時候偷聽到有啲員工喺度講話唔想咁多客。可能佢哋都做到攰喇🤫不過真係第一次食，亦都會係最後一次，食呢一間「四季」🙅🏻‍♂️🙅🏻‍♂️🙅🏻‍♂️打咩打咩