永利特色雞飯‧車仔麵‧街頭美食 (已結業)

咁岩肚餓落樓下食飯，經過永利，行咁多次都未食過，就入去試下。
餐廳為於石排站附近的工廠區，過馬路行1分鐘就到，都幾方便。
一入到去睇餐牌，原來唔係剩係得車仔麵食，種類都幾豐富！
今次叫左板燒牛柳配薯菜($72)跟餐加多杯紅豆冰($8)
一上菜，見到塊扒幾厚幾大塊，點左配黑椒汁，一食落口都幾鮮嫩，幾好食！塊鐵板一上嚟都仲係熱嘅。仲要有跟湯同埋餐包，抵食之選。
而杯紅豆冰都好飲，紅豆大大粒，都幾消暑。
環境方面，餐廳嘅座位舒適寬敞，衛生方面都可以接受，冷氣都好夠。
總體嚟講都幾好食，如果下次經過的話，都會去再食！