因為實在太差，不得不登記做會員寫食評！當晚無咩人等位，入到去見二人餐要$260又唔多吸引，於是叫散餐，叫了鐵板三文魚(燒汁)同蟹肉、蟹膏拉麵(聽個名好似好吸引)，等咗大約半個鐘，杯水都飲哂，叫返頭先落單果個四眼哥哥跟進，點知佢轉頭問返我叫咗咩，點知真係漏單，算！點知嚟咗鐵板三文魚(黑椒汁)。食物方面，拉麵湯底唔夠熱，拉麵一餅嘢痴實，無鬆開，失敗！鐵板三文魚只不係用鐵板載住一D半生熟嘅三文魚，失敗！我諗去pepper lunch食會抵好多同好食多！最後埋單$170，仲要見到隔離位個女士俾個待應整跌杯水淋到成身濕透，陰公！
後來上OpenRice睇先知咁多劣評！應該一早上嚟睇咗先啦
