辛手村 (已結業)

餐廳自家菜式：估你吾到麻辣黑松露干鍋係必食！保留咗四川的香辣，卻加入芬香撲鼻的黑松露醬，拋棄以往傳統刻板的川菜形象，卻維持又香又辣的風味，食慾大增。配料方面都有好多選擇，我加左豬頸肉、椰菜花、萵筍、金菇等等，十分滋味！除咗干鍋，串燒都有好多選擇，我叫咗牛舌芯、豬頸肉、翠玉瓜、鰻魚、京蔥五花腩同雞肉軟骨棒，牛舌芯係厚切，非常爽口，雞肉軟骨棒都幾特別，將軟骨混入雞肉當中，食起上嚟有一粒粒脆卜卜嘅口感。焦糖青蘋果鴨肝多士清新的青蘋果粒中和咗鴨肝的油膩感，鴨肝好大好肥美，入口即溶，一個人食一件都handle到！烏龍椰奶茶、荔枝烏龍冰茶飲品以茶類為主，有各款口味嘅烏龍冰茶，另外仲有比較新穎嘅椰奶茶，飲落似台式奶茶，但有淡淡的椰香。柚子冰粉夏天食雪糕怕肥，食呢款甜品就最岩。清涼透心，酸甜開胃！老闆從外國回流返港創業，大家一定要多加支持！