蛇王娟

營業中

休息中

去完玩好肚餓，朋友話帶我食蛇，吓夏天咁熱食蛇，我一直以為冬天先會食蛇，同埋我咁大個女都未食過，好驚驚，不過你話食，我實陪你㗎叫左碗細蛇羹40元兩份食，我試下就夠，但上檯分量都唔小，外觀原來唔係咁恐怖，我一直誤會左，食落肉質爽爽地，我唔抗拒，但又唔太吸引。叫蛇羹會送蛇湯，好大碗，還有無限添飲，個蛇湯反而煲得幾好味，老闆娘話用左幾種蛇煲，但講完我又唔記得，個湯飲落辣辣地，飲完個身好溫暖，但又唔係熱個種，好滿足。除蛇外，其實間店還有平價飯食，都幾抵。