聰嫂星級甜品 (已結業)

今晚晚餐都未食完，朋友已經開始揾緊甜品店😂😂最後係openrice 揾到呢間係最近（因為好大雨，無辦法去咁遠😂😂）去到唔洗好等好耐，大約5分鐘就有位，好好彩，就到我地有位先落好大雨。。。我叫左個芒果椰果冰，朋友叫左個芒果双皮奶（奶怪食咩都要有奶🤦‍♀️）都係水牌上寫的必食推介。不過個名我有可能記錯我個黎先，有好多芒果冰加幾粒芒果粒同椰果粒。個冰好有芒果味，芒果粒都好甜，椰果同外面食個啲差唔多。整體唔錯芒果双皮奶過一陣都上埋。好大片的芒果下面好似係淡奶又比淡奶杰，好有芒果味，好好味。我食左好幾啖先見到下面啲双皮奶。呢個甜品係有啲驚喜。我同朋友都覺得價錢可以，但甜品真係唔錯，未試過可以值得一試。不過見到更多人係食榴蓮產品（唔得呢排太上火，都想試）二個甜品一共$73，佢地上得快，人流都走得好快。到埋單走個時，外面好大雨之時，排隊條龍都唔知去到邊😂好彩去得早，食完走人未到9點。