板長壽司 (已結業)

板長放題$238晚飯時間，本來想去板長食碗飯或者一個面，見到門口有一個牌寫住放題！板長放題？真係未試過喎， ＄238一位，就試一次啦。最多都係伏一次。總共有九張紙可以點，同一般嘅放題分別唔大，不過選擇略為少，同埋時間只有一個半鐘頭，食得太趕喇。刺身非常新鮮，仲有長腳蟹，不過蟹腳就比較油幼，同其他嘅放題比較刺身都係好大件同埋厚身，壽司嘅飯都特別大件，唔似其他嘅放題壽司嘅飯size比較細，咁就可以試多幾件，呢度嘅汪物都係正常嘅size ,所以食好少嘅種類，已經覺得好飽啦。試咗三款燒物，係凍嘅，唔值得一試。天婦羅即叫即炸，合格！總括來講，埋單計＋1 後，$260一位，選擇唔算太多，不過不失