普洱 (已結業)

平日多數都係大霸街果間主舖，今次第一次黎食呢間分店，帶埋老豆黎撐檯腳，因為老豆鍾意食類似碟頭飯，老豆點左個茄汁豬排飯，我就叫左個山珍牛肉砂鍋米線，再加 $8 叫左碟生菜黎補充下纖維。上菜速度勁快，老豆大讚佢個豬排飯，話 d 汁好多好岩佢口味，豬排又好淋好易食，好香口，我試左半塊，的確係幾好。我個砂鍋米線，我好鍾意呀，因為個砂鍋一上菜係熱辣辣，個米線湯自己仲起緊泡泡滾緊，然後牛肉份量足，又惹味，唔會癡牙，佢應該加左 d 芝麻油，令到成碗野有種芝麻香，好岩我口味，米線就偏淋少少，但我並不反感，呢個價錢都算係交足貨了。然後個菜既份量$8黎講都好 ok 了。我杯蜜桃綠茶都好好飲呀，整體而言，感覺良好