El Portal (已結業)

喺香港我相信唔少香港人來來去去都係最鍾意食中餐、泰國菜、韓國菜或者日本菜，其實地中海菜亦都非常之出色！今日我同朋友一於去佐敦試吓新開張嘅El Portal!新鮮生蠔混合盤 (六隻)有兩款來自法國一款來自西班牙！法國的個人覺得比較鮮味比較濃郁,西班牙的口感比較豐富而且配合大廚配製的蒜蓉醬汁!鮮味更提升一級!烤八爪魚配法瓦豆泥呢款簡直係地中海名菜！大大條八爪魚爪，口感爽口鮮甜，配上豆泥！不得不讚嘅係薯泥味道非常香，配上調味料及濃香牛油味道！值得一試！西班牙海鮮飯呢個好有驚喜！我曾經都去過西班牙旅行，通常當地用嘅海鮮都唔新鮮，所以令我對西班牙海鮮飯嘅感覺一向都麻麻地今次抱着試一試嘅心態點一次，非常驚喜嘅係！每樣海鮮都非常新鮮而且蝦味濃郁，蜆非常之清甜，難以形容！飯嘅軟硬度適中，味道亦都非常傳統！