吉列牛忌廉烏冬專門店 (彌敦道) (已結業)

今次係我第三次嚟幫襯 第一次同朋友食，覺得都幾好食，所以第二次就帶埋男朋友上去再食多次但係到咗今次，侍應態度嚴重影響我對佢地嘅整體觀感因為我自己本身唔太舒服，加上比較怕凍，而帶位員工安排左門口對正兩把風扇嘅位比我地坐，因此我地問左可否調入去近廚房個一排嘅位置坐我地叫左一個吉列牛+炒麵set，再加一份小食一位帶眼鏡嘅男侍應係上小食個陣完全冇發出任何聲嘅情況下，就咁劈低份小食就轉身走人，當時已經有少許無言，唔明白係咪出句聲都唔得，你唔出聲我點知你要上菜，就咁由我膊頭同頭之間，伸隻手出嚟揼低份食物但都未算最過份，最過份嘅係佢送份吉列牛同啲飯呀醬料個set野個時，佢拎住有成3/4張檯咁大個tray，同樣地唔出聲就咁對埋嚟，一野撞落我膊頭佢當下係有講「唔好意思」嘅，但係講完又係轉身走，當時又唔係忙，完全唔明白咁樣係算咩態度，但要收加一服務費，真心咁嘅態度，想問一句，你憑咩收加一呀？有一刻都有諗過其實係咪我怪錯個員工，可能佢係真係啞嘅，但我發現佢又唔係啵，佢同啲同事又有講有笑㗎喎已經唔係求你有幾好嘅service，但出句聲啫，係咪咁難呀？經過事次經歷後，真係唔會再嚟幫襯。