天浮橋拉麵 (已結業)

喺我去開嘅洗衣舖隔離之前都係拉麵店 今次轉咗另一個餐廳名決定入嚟試下 發現佢呢度原來唔係食叉燒反而係一隻叫做錦爽雞腿肉湯底有幾種選擇我就揀咗辛味噌朋友就揀咗海老味噌 我哋加咗兩串免治雞肉 轉頭好快串燒就準備好 非常之好食嘅醬汁 好味得嚟唔會太鹹太濃至於拉麵轉頭都煮好，我嗰碗辛味噌湯底非常之濃郁，有唔少材料係一般拉麵通常都有例如紫菜，糖心蛋，筍等，但呢到都幾特別佢有少少啦好似辣肉醬跟埋可以加落個湯底，食落更加香。而朋友嗰個湯底就有好多櫻花蝦乾配搭埋啲京蔥，有一種香同鮮甜味道。拉麵方面，我地都覺得煮嘅時間啱啱好，唔會太淋，食落仲有啲咬口。至於佢嘅雞腿肉係用咗少少黑椒去醃佢食落又嫩口又有黑椒嘅香味，同平時叉燒完全係另一種嘅體驗，好食。由於去小店，我哋去到嘅時候好快坐滿想，但店員都好好服務，讚。