真台客 (已結業)

政府禁晚市堂食，唯有買外賣番去。行經路德圍見到呢間真台客，仲要係黃店，拿拿聲睇吓menu有冇嘢岩。見到秋冬限定有麻油雞同麻辣鴨血臭臭鍋，就叫哂番去。等緊期間佢門口有棟野差啲俾風吹跌，我男友好心提佢收番好，點知佢望一眼就算。拎外賣走既時候見到廚房啲人直接將炸嘢個䇴dun落垃圾桶（掂到），唔知係咪會直接接觸到食物😦本身我哋已經好肚餓，所以番到去拿拿聲開黎食。麻油雞一啲麻油香都無，食落似白烚，男友成左兩啖就唔想再食，寧願掉咗佢。啲雞肉又韌，差啲咬唔郁。麻辣鴨血臭臭鍋食落就係辣嘅白烚，除咗臭豆腐，其他野食落都係無味。至於個臭豆腐唔係聞落臭食落香﹐而係聞落無味食落好臭。總之食到個人無哂胃口。黃店歸黃店，食物都要有水準，唔好到時告急又賴人哋唔幫襯黃店。