西多士？！
入門口，完全係細個個時樓下冰室嘅感覺！卡位，磁磚牆身，大水吧枱！真港式冰室格局！
平時食西多，通常都係糖膠或者練奶，新派d就朱古力牆，士多啤梨醬之類。今次真係估佢唔到！
外表平平無奇，一切開，竟然有海嘅氣息！
唔通真係近海？非也，原來係因為用咗腐乳做夾心！
份量都唔細，1個人(好似我。。。)食的話，食到尾會有d咸，2個人分享的話就剛剛好。
另一精選當然係奶茶王啦！我心中嘅奶茶必須要夠香滑。呢杯奶茶王，
你問我，我覺得值！絶對可以一試！而且可以下次再黎！
臨走個時仲有小插曲！原來有台灣一間電視台黎做訪問！原來真係咁出名？
