富盈樓

營業中

休息中

見尋日夜晚又黑雨又行雷，攪到今日無得北上，唯有留港搵食，見呢間開咗一排都未試過，於是就走去試吓呢間，茶錢有分搭檯同唔搭檯，比貴$2茶錢諗住可以坐得舒服啲，確實冷氣係好夠嘅，但係點心等咗一個鐘都嚟唔齊，追極都只係叫我等等啦好快到。最討厭係無啦啦隔離檯可以變咗打麻雀，嘈到拆天，至於點心嘅味道只屬一般，價錢亦唔算平，結論係真係試一次就夠，如果呢間嘢咁樣將麻雀同飲茶食點心放埋一間房，剩係做麻雀館可能會好搵啲。