老虎堂黑糖專売 (已結業)

今日途經APM嘅時候發現有好多人排隊，一望之下原來係開左間老虎堂，之前聽人講就聽得多，於是決定一試。排隊期間已經聞到飄來一陣香氣，埋到去我叫左一杯虎虎生風厚鮮奶，因為我想試曬兩款珍珠(波霸+珍珠)，行左一陣商場返黎就有得拎，店員提醒飲之前先搖均，第一啖入口，feel到順滑嘅口感，繼而就飲到濃郁嘅奶香，之後再感受到微微嘅黑糖味，慢慢開始飲到底下D波霸同珍珠，珍珠比較細粒，質地實淨一D，本身無乜味道，純粹煙煙韌韌。波霸就好大粒，但就煮得比較軟身，本身已經帶有黑糖甜味，我自己好鍾意。成杯野飲完唔會覺得膩，只會嫌唔夠喉。