影片
更多
2018-05-05
499 瀏覽
小弟出外食都鐘意光顧唔同餐廳，試下新野，中伏都唔係第一次，但伏到忍唔住要上黎劣評，呢間係第一間。 首先食物，前菜叫個中華沙律，其他地方見既都會切到細細條易入口，呢度既唔知點解係成棵菜心咁粗，我當你自家制啦，食落口真係菜心咁淋，唔爽口仲要偏暖既...刺身我兩個人黎，款式每樣叫2~6件，佢唔理我每樣得2件咁黎，食完再叫一樣每樣2件，我當你怕我地食唔晒啦，叫叫下竟然夠膽死冇再俾，乜料，當你甩單我再補單都一樣唔見影，放棄。 我當你燒肉店，放題刺身差劣，我可以無視。肉黎到，調左味既肉食唔出特別，原味既肉食唔出肉鮮，油香倒是有，一口牛食落口有羶味，係我食過咁多間燒肉既牛中感覺最差勁。 服務態度，我地walk in有book位，但見空坐位有的是，唔知點解招待處㩒左成3分鐘機先有人帶位。前邊講過，漏單情況幾嚴重，唔係接受到既程度。全程食左最少一個半鐘，收野黎左一次，食到後邊垃圾同空碟放晒係度。食到中途個爐bb叫，招手叫人起碼4分鐘先有人黎，其間有位女侍應仲叫住走...黎到又唔理走左去，原來去左叫其他同事幫手睇，咁你叫人都同我地講聲丫...原來個爐過熱。仲好意思收加一服
首先食物，前菜叫個中華沙律，其他地方見既都會切到細細條易入口，呢度既唔知點解係成棵菜心咁粗，我當你自家制啦，食落口真係菜心咁淋，唔爽口仲要偏暖既...刺身我兩個人黎，款式每樣叫2~6件，佢唔理我每樣得2件咁黎，食完再叫一樣每樣2件，我當你怕我地食唔晒啦，叫叫下竟然夠膽死冇再俾，乜料，當你甩單我再補單都一樣唔見影，放棄。
我當你燒肉店，放題刺身差劣，我可以無視。肉黎到，調左味既肉食唔出特別，原味既肉食唔出肉鮮，油香倒是有，一口牛食落口有羶味，係我食過咁多間燒肉既牛中感覺最差勁。
服務態度，我地walk in有book位，但見空坐位有的是，唔知點解招待處㩒左成3分鐘機先有人帶位。前邊講過，漏單情況幾嚴重，唔係接受到既程度。全程食左最少一個半鐘，收野黎左一次，食到後邊垃圾同空碟放晒係度。食到中途個爐bb叫，招手叫人起碼4分鐘先有人黎，其間有位女侍應仲叫住走...黎到又唔理走左去，原來去左叫其他同事幫手睇，咁你叫人都同我地講聲丫...原來個爐過熱。仲好意思收加一服侍費...所以服務係邊度。。。或者我地唔好彩啦，唔明點解咁多好評。
張貼