我地揀左：
油鹽水魚湯浸大蜆
蒜蓉菜心
四隻豉油皇果皮煎蝦
香江避風塘炒蟹
招牌豉油皇蟹油炒麵
汽水
油鹽水魚湯浸大蜆
說好的大蜆呢？蜆有少少沙，唔可以話佢唔新鮮，但又唔夠新鮮，好彩無腥味。魚湯味完全被黑椒蓋過，整體偏咸，蜆亦食唔出原本既鮮味。粉絲普通，剪得比較碎，難於夾起。分量唔算少，但味道真係好一般。總括黎講，我覺得我自己煮既好過佢。
1
蒜蓉菜心
咸！咩事甘重手落甘多鹽？菜心炒既時間其實岩岩好，軟硬適中帶點爽脆，只可惜真係太咸啦。分量唔太多，如果鐘意食菜既可能覺得唔系好夠。
豉油皇果皮煎蝦
四隻蝦都幾大隻，不過都系一樣偏咸，完全食唔出有果皮味。質地雖然都叫左有彈性，但少左蝦既鮮味，佢應該系急凍蝦唔系新鮮蝦。
招牌豉油皇蟹油炒麵
好彩炒麵終於無偏咸啦！哈哈！普通一個炒麵囉，有落蟹油咩？唔覺wor！
香江避風塘炒蟹
好彩好彩好彩炒蟹系好食既。比我想象中大隻，size似平時HKD6xx個d。（之前同個waiter吹開水時，佢話有時無曬細蟹就唯有比中蟹人，唔知係咪我個d呢）我地叫左中辣，蒜粒炒得好香唔太油，不過就唔算好辣囉。肉質夠實，我肯定佢系新鮮劏黎煮既。好味！
2
