亞金南洋茶室 (元朗廣場) (已結業)

晚市七點幾都冇乜人，以為係除夕啲人出晒去倒數所以冇乜人，諗求其食，原來係間嘢本身嘅問題。態度散漫，坐喺度幾分鐘遲遲唔嚟menu；大把Menu，四個人俾得一個menu；上菜明明我地張枱係空嘅，個阿姐一路同隔離枱客傾，一路凌空擺喺我面前示意我接菜；嚟錯飯，個廚師敢同經理講，佢係好心將個小菜同個白飯放埋同一碟，令到我哋以為係碟頭飯，個經理又好嘢用一個好温柔嘅語氣完全地複述一次！兩個項目size唔同，價錢唔同，你咁樣同我講，menu就唔好分兩張相，兩個格。由侍應阿姐到經理姨姨都彷彿因為除夕夜要開工而唔提供正常服務。總結：冇下次。