無麵不歡 - 中華私房粉麵

成日想嘗試螺螄粉，平日搵咗朋友去試。我地午飯時間左右去，餐廳雖然近地鐵站，位置唔易搵。一去到就有位坐。


我哋叫咗一碗柳州螺螄粉，一鍋蜆，兩罐汽水share食。


柳州螺螄粉賣相好吸引，好多配菜，好多人都話佢嘅味道唔係個個接受到，我都係抱住挑戰一下嘅心態，冇諗過會幾鍾意個味。聞落去其實似係街市經過賣榨菜嘅檔攤果陣味，食落辣辣地，越食越過癮。

柳州螺螄粉

另外叫嘅一鍋蜆，賣相同樣吸引，湯底禮奶白色，又有粟米同埋好多蜆，味道鹹香，好好味。

蜆鍋

整體來講，服務良好，侍應主動介紹加錢可以有任食配菜，不過我哋兩個人就冇叫到。食物質素良好，味道好加上分量足夠，性價比高。平均一個人大概食左80 蚊到。