影片
更多
2017-12-27
114 瀏覽
以往聖誕同太太食親聖誕餐唔係尖咀就係中環老銅,公式化之餘又限時限刻,服務又冇,氣氛硬係差咁D。今年決定搞搞新意思,知道荔枝角D2 place最近活化完搞旺咗個場,吸引埋馬明同心穎BB去拍拖……靈機一觸,今年第一次合家歡去食聖誕大餐,就揀荔枝角工厦呢間新開嘅Ulyssa試下佢地嘅Christmas Set啦!開心難忘嘅聖誕餐體驗就喺訂餐一刻開始,當我打第一通電話去安排用餐安排時,已發覺Ulyssa係非一般嘅工厦餐廳,多得老闆娘同店員兩位服務貼心嘅員工(希望冇串錯妳地嘅芳名)嘅悉心安排,讓我可DIY聖誕禮盒製造驚喜比太太,用餐時兩位靚靚店員還有愛心的幫手湊B,讓我倆無後顧之憂地享用佳餚之餘,又可以享受下二人世界……如此富人情味的食店,真係一店難求。如果大家想感受如斯人情味,Ulyssa是好的選擇。寫食評除了Service之外,環境同食物梗係Main Course啦。全場點點燭光,簡約又富佳節氣氛,我地囝囝一入嚟就笑不嚨嘴,冇選錯地方。我太太鍾情濃味龍蝦海鮮湯,頭盤翡翠螺同西班牙火腿片有驚喜,主菜蜜糖春雞同羊排惹味,高潮位當然係由老闆娘親手奉上我DIY的禮物和朱古力慕絲蛋糕,簡直甜入心。一段
今年決定搞搞新意思,知道荔枝角D2 place最近活化完搞旺咗個場,吸引埋馬明同心穎BB去拍拖……靈機一觸,今年第一次合家歡去食聖誕大餐,就揀荔枝角工厦呢間新開嘅Ulyssa試下佢地嘅Christmas Set啦!
開心難忘嘅聖誕餐體驗就喺訂餐一刻開始,當我打第一通電話去安排用餐安排時,已發覺Ulyssa係非一般嘅工厦餐廳,多得老闆娘同店員兩位服務貼心嘅員工(希望冇串錯妳地嘅芳名)嘅悉心安排,讓我可DIY聖誕禮盒製造驚喜比太太,用餐時兩位靚靚店員還有愛心的幫手湊B,讓我倆無後顧之憂地享用佳餚之餘,又可以享受下二人世界……如此富人情味的食店,真係一店難求。如果大家想感受如斯人情味,Ulyssa是好的選擇。
寫食評除了Service之外,環境同食物梗係Main Course啦。全場點點燭光,簡約又富佳節氣氛,我地囝囝一入嚟就笑不嚨嘴,冇選錯地方。
我太太鍾情濃味龍蝦海鮮湯,頭盤翡翠螺同西班牙火腿片有驚喜,主菜蜜糖春雞同羊排惹味,高潮位當然係由老闆娘親手奉上我DIY的禮物和朱古力慕絲蛋糕,簡直甜入心。
一段愉快溫馨的聖誕合家歡聚餐報告完畢。
衷心感謝Ulyssa所有員工為我們仨製造了一次難忘的聖誕用餐體驗。
如果閣下睇呢段食評到咗呢個段落都未打算訂枱,可真浪費光陰呀。心動不如行動。打個電話或入apps訂枱啦。
張貼
