茶木‧台式休閒餐廳 (MegaBox)

7月中嘅星期日，去咗mega box 行IKEA，行完就搵野食，以前多數會去食越南菜或者韓燒，今日就去咗茶木食，因為未到7:00，唔駛排隊。地方好大下，多一家大小嘅人客。呢度係用電話落單，我同阿媽都叫咗紅燒牛肉麵，我轉左麵為新竹米粉，吸湯能力比麵更好。紅燒湯夠濃味，冇乜辣味，牛肉好大舊。老豆就叫咗炸排骨麵。我哋另外再叫咗個福花，用黑醋調味，甜甜酸酸好開胃。豬軟骨夠冧，用火爐仔上，份量足夠，又係甜甜嘅，夠濃味。