更多
2011-04-12
125 瀏覽
細細個就聽過話龍華出名食乳鴿, 咁大個人都未食過, 咁啱個FD話要食, 所以順理成章相約食飯, 但食之前上嚟睇到D食評咁差, 其實真係好驚, 但好又一餐, 唔好又一餐, 咁不如親身證實下..................放工後相約沙田火車站等, 行過去其實唔駛10分鐘, 上到去差不多七點已經冇哂入面D位, 淨番露天位, 好彩果晚唔算好凍, 所以都坐得過, 如果凍到死果日我寧願等或者唔食走人..................唔知係咪露天燈光較暗, 再加上伙計唔多, 等咗好耐先有人睇到我地叫餸......................2個人叫咗2個餸+2隻乳鴿, 但其實係唔夠飽LOR~~ 因為有個餸比佢呃咗.............. 紅燒乳鴿個FD極力推薦要一人一隻, 原隻咁食, 佢話超正架!!! 平時都係一開四咁食, 今次第一次咁食, 果然好正, 好滿足................乳鴿皮燒得好脆, 又熱辣辣, 又厚肉, d肉又好嫩, 唔會鞋烚烚, 成隻食真係好滋味, 感覺又好豪..........haha~~ 琵琶豆腐其實唔係太記得係咪叫琵琶豆腐, 總之個豆腐係有煎過, 面
放工後相約沙田火車站等, 行過去其實唔駛10分鐘, 上到去差不多七點已經冇哂入面D位, 淨番露天位, 好彩果晚唔算好凍, 所以都坐得過, 如果凍到死果日我寧願等或者唔食走人..................
唔知係咪露天燈光較暗, 再加上伙計唔多, 等咗好耐先有人睇到我地叫餸......................2個人叫咗2個餸+2隻乳鴿, 但其實係唔夠飽LOR~~ 因為有個餸比佢呃咗..............
紅燒乳鴿 個FD極力推薦要一人一隻, 原隻咁食, 佢話超正架!!! 平時都係一開四咁食, 今次第一次咁食, 果然好正, 好滿足................
乳鴿皮燒得好脆, 又熱辣辣, 又厚肉, d肉又好嫩, 唔會鞋烚烚, 成隻食真係好滋味, 感覺又好豪..........haha~~
琵琶豆腐 其實唔係太記得係咪叫琵琶豆腐, 總之個豆腐係有煎過, 面頭有個蠔油汁, 又好有dd辣+豆豉咁啦~~ 好彩個芡汁凍哂都唔會一舊舊啫...........
石榴雞 好呃錢, 得果1舊雲吞皮包住d菜粒, 冬菇粒等的物體, 少少似灌湯餃, 1棵西蘭花, 仲有個唔知係芡汁定係湯, 因為話杰唔杰, 話稀唔稀lor~~ 但一句講哂, 又貴又唔好食又細..............
唔知係咪因為坐露天關係, 冇乜人理, 我地食/坐咗兩個幾鐘, 都唔會有人趕/吹你走, 但今次好失望到食唔到白鴿蛋(未有)同埋豆腐花(賣哂)lor~~~
張貼