型點特色點心專門店

營業中

休息中

今日第一次入嚟大埔，周圍都唔識路，同朋友就係想飲茶，呢間點心店喺正隔離都有一間點心店，二選一情況底下揀咗呢間，又真係冇揀錯，嘢食又靚又好食，客人都唔少，員工服務態度都好好係非常之難得。見到其他枱都有點呢個「脆皮紅米蝦腸」，我都跟住點咗，食落有脆卜卜嘅口感亦都有蝦肉嘅彈牙，真係好有驚喜。呢個「鮮魷土豆粉」對我嚟講都好特別，鮮魷都好大隻又夠鮮，睇佢個樣好似好辣，但係食落又唔辣。必點「型點蝦餃皇」，咬落去啖啖蝦肉好足料。「荷葉籠仔海味臘腸排骨飯」係好好味，而且份量大。