富豪雪糕流動車

營業中

休息中

唔準笑...做左廿零年人, 尋日第一次食富豪o既軟雪糕cone. 一路都未試過呢度o既軟雪糕o既原因係, 媽咪由細到大都話俾我知食呢度o既軟雪糕十次有九次會肚痾, 所以一直都有個concept: 呢度o既軟雪糕唔食得. 今次會作第一次嘗試係因為朋友不斷話呢度軟雪糕正, 就嘗試排除自己o既成見.食落好滑好軟,似......奶昔? 點解個雪糕好似唔係好夠凍o既? 係因為太好賣, 個軟雪糕機未ready就唧左出黎賣? 定係本身就係咁?雪糕唔夠凍會唔會有好多菌?食完一路驚自己好肚痛, 驚到夜晚...好彩無事...不過好難叫我再試多次!!