裕滿人家 (已結業)

今日放工後返到屋企,見到兩盒月餅,係爸爸今日去媽媽o既永久居所攞o個o度每年都會送o既月餅,今年唔係送美心或奇華,而係裕滿人家,由於爸爸係攞月餅現貨而唔係月餅劵,所以都唔知呢盒月餅o係邊間舖供應,但上o黎睇到,原來駿景園有間,咁就寫o係呢o度啦.係雙黃白蓮蓉,影好相就切開o黎食先,size唔係大個,睇睇蛋黃,唔係好夠油潤咁,食落,蓮蓉唔算太甜,蛋黃味道濃郁,但濃到唔係咁好食,太臊;中間都有少少油,不過仍然係偏乾.呢篇食評唔計環境同服務,而衛生就只計盒月餅.