影片
更多
2017-06-02
924 瀏覽
是咁的, 小弟呢排忙搬屋, 端午節紅假前夕, 一於早早自己放自己工去睇樓, 搞到七八點就諗住近近地大坑搵下野食路經小店一間, 睇菜牌應該係上海菜, 八成客滿又唔洗等位, 一個字: 穩陣!查實小弟背背地, 唔知原來係谷祖琳嘅媽媽開,又唔知小甜谷係咩料, 仲問人點解食完谷媽媽再去小甜谷有折…小弟食野有宗旨 (Well, 唔好食又貴又呃人既就俾中指),就係入去試少見既菜式, 是晚試左 1) 韭菜鮫魚水餃; 2) 醉香雞; 3) 烤夫; 4) 酸辣湯麵; 最後追加5) 鹽酥菇1) 韭菜鮫魚水餃貫徹宗旨, 新穎野, 出面少見, 弊在客人都少點, 所以可能流轉慢而唔係好新鮮, 加上唔知點解唔似手包 (因我見唔到手摺痕…ok, 我無點其他大熱水餃, 即係十枱食水餃有八枱會點既白菜豬肉, 疑點利益歸於被告啦…)2) 醉香雞搵食拍檔想食雞, 2選1, 一係招牌玫瑰香薰, 一係醉香都係個句, 材料限制, 雪藏雞, 汁料係香不過太鹹, 手勢同心思應該本來是OK的, 起碼個雞卷有切走雞既肥膏3) 烤夫入親上海舖一定點, 因做法麻煩, 一試就知個廚係咪合格此店味道合格! 加上每條金針菜有個手打結,呢啲買少見少…
路經小店一間, 睇菜牌應該係上海菜, 八成客滿又唔洗等位, 一個字: 穩陣!
查實小弟背背地, 唔知原來係谷祖琳嘅媽媽開,
又唔知小甜谷係咩料, 仲問人點解食完谷媽媽再去小甜谷有折…
小弟食野有宗旨 (Well, 唔好食又貴又呃人既就俾中指),
就係入去試少見既菜式, 是晚試左 1) 韭菜鮫魚水餃; 2) 醉香雞; 3) 烤夫; 4) 酸辣湯麵; 最後追加5) 鹽酥菇
1) 韭菜鮫魚水餃
貫徹宗旨, 新穎野, 出面少見, 弊在客人都少點, 所以可能流轉慢而唔係好新鮮, 加上唔知點解唔似手包 (因我見唔到手摺痕…ok, 我無點其他大熱水餃, 即係十枱食水餃有八枱會點既白菜豬肉, 疑點利益歸於被告啦…)
韭菜鮫魚水餃
32 瀏覽
0 讚好
0 留言
2) 醉香雞
搵食拍檔想食雞, 2選1, 一係招牌玫瑰香薰, 一係醉香
都係個句, 材料限制, 雪藏雞, 汁料係香不過太鹹, 手勢同心思應該本來是OK的, 起碼個雞卷有切走雞既肥膏
醉香雞
32 瀏覽
0 讚好
0 留言
3) 烤夫
入親上海舖一定點, 因做法麻煩, 一試就知個廚係咪合格
此店味道合格! 加上每條金針菜有個手打結,
呢啲買少見少…
哪, 老友, 第一, 無可能機做, 第二, 我阿媽都無心機做, 所以我都話手勢同心思應該本來是OK的, 呢個如果再去要捧場
烤夫
20 瀏覽
0 讚好
0 留言
4) 酸辣湯麵
基本上唔得, 唔香而且基本得個酸味, 無材料, 豬肚同豬紅可能成本計唔掂而唔落, 查實我會建議重質不重量, 煮得不如情願唔賣
酸辣湯麵
32 瀏覽
0 讚好
0 留言
5) 鹽酥菇
基本上係我地痕得滯…根本無得同係台灣食既去比,
敗筆係佢烚水再炸 (或者係個菇解凍唔夠拎就去炸), 我錯! 鬼叫去上海舖食台灣野
鹽酥菇
24 瀏覽
0 讚好
0 留言
時勢問題, 香港地今時今日, 食材無毒已經要還神, 唔係點落師傅真係要表揚, 材料唔新鮮基本上係好小意思, 況且而家香港人條脷真係無味蕾,
你睇啲咩食店排長龍就知…近乎煮舊屎都有人話好食, 所以有小店可以無咩味精係應該要讚嘅!
總結係小本經營, 心思搭夠, home-made feel 要多多支持!
題外話/補充資料：
1) 唔知點解上海菜舖頭有椰青賣…最抵死係真係有人點
2) 同場加映香港好客之道: 俾隔離枱個鬼佬搭訕, 我地點左酸辣湯麵, 佢係咁問咩黎架, 好唔好食架…查實我都未食, 點知啫?
(以上食評乃用戶個人意見 , 並不代表OpenRice之觀點。)
張貼
