影片
更多
2012-09-14
133 瀏覽
早排因為約媽媽去大角咀食lunch , 特意搜尋一下呢頭有咩越南餐廳 ,因而發現在博文街呢頭開左呢間西貢越南真味 , 決定擇日一試 ~今日黎先食下個 lunch set 粉面先 , 打算如果 ok ge 就再黎食晚餐未夠五點半黎到，仲有午餐優惠，湯粉／飯／撈檬，選擇甚多，附送熱飲，加$2轉凍飲以及加$10轉特飲。點餐後拎左個大menu黎睇，為大路越菜菜式，價錢無特別廉宜，咁抵唔抵食當然都同份量掛勾啦，略為過目，已經選中不少心水，我今日呢碗湯檬可謂身負重任呀xd1. 越式蒸粉包~選餐時唔見menu有話有小食送，點餐後不久卻遞來一份越式蒸粉包，頗為驚喜，還是溫熱的，粉包外皮透薄軟滑，加入少許魚露，配合粉包頭上嘅蔥油，相當味美，餡料除一般嘅沙葛，甘荀，木耳碎之後，仲食到啲蝦米，帶起一點惹味，唔錯=]2.法式蕃茄牛坑腩檬粉~得兩枱客三碗野都漏左單，樓面小姐一直喺度抹餐牌，無留意到我遲遲都未有得食，到我出聲問仲要等幾耐，佢先放低抹布向廚房查問，及後不足兩分鐘，湯檬隨即送上，嗰一刻係有啲嬲嫁，新店開業理應格外留神而非如施粗心。可幸嘅係，熱燙嘅蕃茄牛坑腩傳出陣陣濃郁牛骨湯味，蕃茄味近乎被此蓋去，只能
因而發現在博文街呢頭開左呢間西貢越南真味 , 決定擇日一試 ~
今日黎先食下個 lunch set 粉面先 , 打算如果 ok ge 就再黎食晚餐未夠五點半黎到，仲有午餐優惠，湯粉／飯／撈檬，
選擇甚多，附送熱飲，加$2轉凍飲以及加$10轉特飲。
點餐後拎左個大menu黎睇，為大路越菜菜式，價錢無特別廉宜，咁抵唔抵食當然都同份量掛勾啦，
略為過目，已經選中不少心水，我今日呢碗湯檬可謂身負重任呀xd
1. 越式蒸粉包~選餐時唔見menu有話有小食送，點餐後不久卻遞來一份越式蒸粉包，
頗為驚喜，還是溫熱的，粉包外皮透薄軟滑，加入少許魚露，
配合粉包頭上嘅蔥油，相當味美，餡料除一般嘅沙葛，甘荀，木耳碎之後，仲食到啲蝦米，帶起一點惹味，唔錯=]
2.法式蕃茄牛坑腩檬粉~得兩枱客三碗野都漏左單，樓面小姐一直喺度抹餐牌，
無留意到我遲遲都未有得食，到我出聲問仲要等幾耐，
佢先放低抹布向廚房查問，及後不足兩分鐘，湯檬隨即送上，
嗰一刻係有啲嬲嫁，新店開業理應格外留神而非如施粗心。
可幸嘅係，熱燙嘅蕃茄牛坑腩傳出陣陣濃郁牛骨湯味，蕃茄味近乎被此蓋去，只能保留一點味覺上嘅清新酸甜，
反之軟滑肉嫩嘅牛坑腩卻意料之外地入味，
應該係用鮮原茄，洋蔥，紅蘿蔔等食材加埋啲檸檬葉炆煮而成，
好香好好味一啲都唔酥，份量仲好多，湯底同樣出色，
牛味出眾，混入蕃茄牛腩嘅汁，配合得宜。可選越式河粉／金邊粉或檬粉，
我揀左透滑嘅檬粉，所以不夠掛湯，我諗揀前兩者會更美味。
3.凍青檸水~午餐加$2，大大杯，夠冰凍，雖然係用嘅青檸汁唔係新鮮，
但有兩片青檸片幫忙一下，味道不致太舊，加上酸甜醒胃，個人認為抵飲過凍檸茶。
##單評食物的話，呢度絕能成為我嘅開飯之選。可惜新店仍未裝上滅蚊燈，細粒蚊滋大隻蒼蠅四圍飛作伴餐
難免惹人反感，女店員有因此道歉，我亦坦然提出協定，下次到來，如果已做好防範措施攪好衛生的話，我會入黎食個晚飯=]
張貼
