亞州家族 (已結業)

睇雜誌得悉有海南雞新店開張，有詳盡篇幅介紹，劃哂家族圖，人家叫亞洲家族，都唔洗劃個家族圖出黎驚死唔知係名店出品吧，說多了。講返野食，平日行過見到人氣幾盛，是日夜食，唔洗等位，黎幫襯試試看。隨便的叫，又分享下。海南雞例牌加雞飯。雞夠滑，有點肥，我大食，例牌對我黎講好似少了點。三款基本醬以黑醬油最吸引，點雞食挺不錯。雞飯食落夠乾身，不過好似硬身左d，而雞飯個味較為淡，唔知係咪最近食完好時既關係，喜歡濃郁點既雞飯。雞湯就幾不錯，清清地。炒貴刁，夠足料，魚片、蝦等料唔係草草幾粒，食落帶點甜，有微微辣，是還可以的貴刁。咖哩雞，雞粉粉的，黎呢到食雞，都係要海南雞啦，個汁唔太咖哩，水準一般。印度薄餅，叫黎點咖哩，薄餅濃濃牛油香，不過摸上手幾油下，這裡的印度薄餅出奇地脆，個人喜歡鬆軟印度薄餅，這裡的脆印度薄餅，唔岩我。服務就一般，唔知係唔係就黎收工，人手唔多夠。食物整體只可以講ok，不過這裡專賣海南雞，海南雞做得不錯，其他就很一般，給笑臉係因為個海南雞。