味口福 (已結業)

每次行筲箕灣天悅，總有一種小時候的感覺😊筲箕灣除了東大街外，其實好多人都唔知道仲有好多隱世美味的食店，很懷念小時候的拉麵餐廳，去到原位置發現開左間叫<味口福>😋😋😋，望望門口的餐牌，價錢實惠又吸引，二話不說入店坐下！ 店內食物選擇種類多，有焗粉麵、湯麵、漢堡、小食等，即管試試餐廳的焗飯😝鋪頭需自行走到收銀處下單付款，下單時叫最簡單的焗豬扒飯，共有7種醬汁選擇(鮮茄、黑椒、蒜蓉、咖哩、蘑菇白汁、栗米白汁及意大利辣汁)，幫我下單的是男士，相信應該是老闆來，我問他，簡咩汁好呀?佢話咖哩呀 我自己會揀咖哩，成日食鮮茄好似好悶，見佢咁快有建議，我當然答應! 咖哩焗豬扒飯配凍0茶。不得不讚的是，一坐下餐廳的坐位及餐桌也十分乾淨，令人非常放心👍🏻咖哩焗豬扒飯一上枱，賣相吸引，份量充足! 豬扒夠淋而不乾，相比之下飯底較遜色，如炒飯底味道重一點會較好，建議醬汁可多一點及濃一點會更美味😆😆😆