山下菓子 (T.O.P This is Our Place) (已改名) 查看

喺社交媒體見到有幾個朋友都去咗呢度打卡，呢隻鴨仔係我細個時候嘅童年回憶，所以都帶亞仔去感受一下！他們位置就係旺角中心隔離個新商場，第一次去都幾好行，當然餐廳都容易搵到！好顯眼見到有個地方好多鴨仔，就係我要去嘅呢間餐廳啦！我去到嘅時候都有一啲比較價錢平嘅午餐選擇，但係話明你潮聲梗係要食返啲有代表性嘅食物啦！所以就選擇左其他嘅主菜餐單，價錢會比午餐貴，但係其實飲品包咗個杯同埋個樽仲可以拎返屋企當紀念品，其實都係咁抵！啊仔就叫咗厚切叉燒日本烏冬配牛奶樽飲品！叉燒堅係厚切，仲係比較厚的一種，啖啖肉！烏冬都夠彈牙，湯清甜！牛奶樽飲品我就叫咗莫卡咖啡比自己，咖啡同朱古力味適中！送嘅牛奶樽真係好得意，真係可以拎返屋企㗎！之後我就叫咗個有鴨仔頭圖案嘅日式咖喱豬扒蛋飯！日式甜咖喱，不會辣，也很夠香！圖案超可愛，牙仔見到都食多幾啖飯！豬扒都夠香脆這𥚃的裝修環境全部都係鴨仔，鍾意佢嘅粉絲真係一定好鍾意呢度食嘢！每一個位都可以打卡，這裏有別於其他嘅主題卡通餐廳，因為我覺得佢哋嘅主題每一個位都做得好好，食完野仲可以到旁邊嘅禮品店掃貨，價錢一啲都唔貴！