台南阿豆仔

係銅鑼灣食飯通常都幾3 4百一餐，不過次次都係咁都幾貴。 

今日同FD 血拼完想食平少少但又唔想食茶餐廳，

行行下又俾我地見到呢間台灣野睇落好似幾好咁，我地緊係即刻衝去食啦！

老實說，呢間台南阿豆仔其實唔係好大間，大約得20個位左右，

不過佢既裝修真係幾有心思，白色既食物燈牌同埋石屎牆真係好台灣古舊風！

連餐牌既設計都同台灣夜市既一樣，

BTW雖然佢野食選擇唔算好多，但款款都係台灣地道菜黎。 

紅燒牛肉麵 $68
紅燒牛肉既肉質真係好淋而且醃得好入味，

麵條就冇過淋，係彈牙既台灣麵，另外佢個湯底都熬得好香濃，

整個Combination真係唔錯！

紅燒牛肉麵

$68

甘蔗排骨 $55 
呢款甘蔗排骨係朋友揀既，但估唔到食上癮既係我，

排骨係輕輕炸過再炒所以表層香脆，而且佢真係炒到有陣大排檔既鑊氣，

再加埋酸酸甜甜既甘庶味真係好吊癮！ 

甘蔗排骨

$55

三杯雞 $65
每次食台灣野都一定會點我最愛既三杯雞，

呢到既三杯雞醃得入味之餘又唔會過咸，雞既肉質亦好嫩滑一啲都唔鞋， 
香蔥味又濃，真好有家庭式台灣菜既味道，

而且佢同甘蔗排骨一樣都有陣好香既鑊氣係到，

食落更加惹味！呢個三杯雞可以列入香港第一好味台灣菜入面。 

三杯雞

$65

清炒地瓜葉 $45
叫左咁多肉緊係要叫番碟菜平衡下啦，

清炒地瓜葉都炒得好香，不過就略嫌油左小小，

如果唔係都真係冇咩可挑剔喇！

清炒地瓜葉

$45

珍殊奶茶 $26
呢杯珍殊奶茶應該真係用靚既茶葉沖出黎，

因為真係好香濃既茶香味，珍殊亦甜度適中同埋好煙韌，真心好過出面個啲連鎖台式飲品！

珍殊奶茶

$26

薑汁檸檬 $20
薑汁奶茶就飲得多，薑汁檸檬真係第一次，

呢個姐合都幾新鮮，熱檸蜜加左薑，飲落好暖胃，
冬天飲係好好既選擇。  

薑汁檸檬

$20

整體黎講呢到既野食性價比真係好高，

價錢平仲要唔洗加一，

仲要野食真心好過其他貴既台灣菜同埋份量都大，我地今次都叫得太多，

仲要係銅鑼灣，真係好難得，

我都幾肯定之後我會係呢到既常客！