鮨千寿 (屯門市廣場1期) (已結業)

新開張的,唔使等就入得,確實個餐牌係有少少貴嘅,屯門呢個價錢而且咁新黎講 , 唔使排隊正常嘅。不過滿意嘅, 可以一試。整體食材都非常新鮮而且係有質素的。魚生鮮甜有光澤推介炙燒左口魚壽司：本身左口魚好肥好多魚油，輕輕一燒將d 油香帶哂出黎，配左一小塊青檸，balance 返魚油既膩，食完個after taste last 好耐。另外海膽墨魚卷，兩野食材亦都係好新鮮，夾埋一齊食好match ,唔會有海膽還海膽，墨魚還墨魚既感覺，口感非常好，賣相都一流呀。燒茄子- 普通, 本身茄子又冇乜特別味道,佢又冇特別烹調只係附帶有D 豉油 , 木魚,點聚下咁。個蟹蓋飯（唔記得叫咩名）其實食完個飯有d 滯，個蟹羔好好味太濃味，變左嘥左個海膽。呢個沙律係有海葡萄的, 都係嗰句啦.好新鮮。食日本野最緊要就係"新鮮". 夠曬啦。