影片
更多
2021-01-04
13 瀏覽
📍Burger Begins之前係LA會成日去food truck買burger同hotdog食，一路行一路係陽光下食幾chill。立食漢堡同熱狗係香港就真係好少見。今次就黎左紅磡巷仔嘅 Burger Begins開餐啦！價錢十分相宜 ➖➖ 📌經典漢堡 $38加左$30升級和牛漢堡。嘩！一開盒超級大份。meat patty係用澳洲和牛肉以traditional minced咁去製成，有成一寸厚，好juicy，牛肉味濃，肉質好嫩。生洋蔥、蕃茄、自家製青瓜、生菜都好新鮮。芝士半溶左連埋牛肉一齊食真係好正。一口咬落去就食唔曬➖➖ 📌日式免治雞肉軟骨熱狗 $36全人手製作，食落好有驚喜。加左軟骨嘅腸好有口感。唔係一般嘅雞肉腸，最後灑上芝麻同洋蔥絲，更添風味。➖➖ 📌炸金文畢芝士 $38比mozzarella cheese更濃奶香。可惜天氣凍，好快凍左。一炸起即食會更好、更拉絲。➖➖ 📌炸雞配秘製辣沙律汁 $38炸雞唔係韓式個種好硬身個隻，更似係日式唐揚個種外脆內嫩。 有兩串，份量都飽架！➖➖ 📌炸薯條配紫菜粉 加枝裝飲品 $25加$25就可以將burger轉成se
之前係LA會成日去food truck買burger同hotdog食，一路行一路係陽光下食幾chill。立食漢堡同熱狗係香港就真係好少見。今次就黎左紅磡巷仔嘅 Burger Begins開餐啦！價錢十分相宜
➖➖
📌經典漢堡 $38
加左$30升級和牛漢堡。嘩！一開盒超級大份。meat patty係用澳洲和牛肉以traditional minced咁去製成，有成一寸厚，好juicy，牛肉味濃，肉質好嫩。生洋蔥、蕃茄、自家製青瓜、生菜都好新鮮。芝士半溶左連埋牛肉一齊食真係好正。一口咬落去就食唔曬
➖➖ 📌日式免治雞肉軟骨熱狗 $36
全人手製作，食落好有驚喜。加左軟骨嘅腸好有口感。唔係一般嘅雞肉腸，最後灑上芝麻同洋蔥絲，更添風味。
➖➖
📌炸金文畢芝士 $38
比mozzarella cheese更濃奶香。可惜天氣凍，好快凍左。一炸起即食會更好、更拉絲。
➖➖
📌炸雞配秘製辣沙律汁 $38
炸雞唔係韓式個種好硬身個隻，更似係日式唐揚個種外脆內嫩。 有兩串，份量都飽架！
➖➖
📌炸薯條配紫菜粉 加枝裝飲品 $25
加$25就可以將burger轉成set，點左紫菜味薯條同巨蜂玉露。薯條脆卜卜，加左紫菜粉更加惹味。
➖➖地址：紅磡蕪湖街58號金達閣地下1號舖
張貼
