為食龍 (已搬遷) 新店位置

OMG！做到過晒鐘喇！仲要同同事K小姐趕住出去開會，lunch都未食！無飯落肚又點得呢！K小姐介紹我去到公司附近銅鑼灣新開嘅Hungry Dino，主打日式快餐，雖則店面面積唔大，只有兩張凳，但立食都係一個日本文化體驗。為食腐皮系列：三文魚牛油果、泡菜三文魚簡單嘅腐皮壽司，加入咗唔同嘅配料，即刻就變得好不一樣喇。三文魚牛油果腐皮壽司份量好多，一啖真係食唔晒，而牛油果配上三文魚真係清新；而泡菜三文魚腐皮壽司好驚喜，味道夠濃，辣辣哋嘅泡菜加上甜甜哋嘅腐皮，味道好有層次。正飯糰系列：蒲燒鰻魚、川味麻辣雞講到日式快餐，又點少得飯糰呢？呢到嘅飯糰即叫即包，所以紫菜仲好脆，而飯仲係新鮮溫暖。蒲燒鰻魚飯糰嘅份量足，加上成個飯糰都充滿鰻魚汁，真係無得輸；而川味麻辣雞飯糰口味比較獨特，夠晒創意。方格魚生丼魚生丼有三文魚、吞拿魚、左口魚、玉子、青瓜同紫菜，賣相一流！刺身當然夠新鮮，不過，飯底份量唔多，好似我M佬一個人食都唔夠。