三木日本料理 (已結業)

擒日去開尖沙咀，想食日本野，見佢新開張，就走入去試下，心諗二百幾蚊任食俾個機會佢，仲要可以食三個鐘，點知原來真係抵食成咁，唔知係咪新開張賣大包，夠膽講句，千両質素，爭鮮價錢，啲刺身唔會薄如紙張，又fresh，甜蝦好似粉筆咁大條，仲加送鮑魚仔，其他野都OK，我只集中攻擊魚生位，因真係好好食，好似任食千両咁，甜品仲要有haagen daz雪糕，食左佢三杯都七十幾蚊啦，食完之後真係好滿足，希望質素keep住，唔好咁快變差，會短時間再去食多轉。相唔多影，因只掛住食，只有甜品相。