壹小店 (已結業)

有咩開心得過瞓到自然醒...然後斯斯然再歐洲式嘅步伐去間cafe...食個靚brunch...？有！真係有....！是日去試「壹小店」已bookmark好一段時間喇，終於食到！YES！！！有2樣食物已鎖定要order！第一個係窩夫 ！見到有waffle all day breakfast就啱喇！窩夫外脆內軟，果種軟有dd似雞蛋仔果種軟熟，仲食到蛋香，好OK喎！其餘嘅配料咪以為馬虎，一樣好食！例如雞肉腸比一般嘅無咁鹹，pesto醬竟然係鹹香，好似有少少芝士碎？！又有少少蒜香...幾特別嘅味道！成份all day breakfast都好滿意😊第二個係「傳統西班牙蛋餅」用小鐵pan，好夠熱！蛋味好正，餡料有薯仔、煙肉、洋蔥、紅椒....好juicy！濕潤度啱啱好，又唔會太鹹，黑椒嘅點綴好加分。果碗羅宋湯都好飲，食材簡簡單單，飲得好舒服😌飲埋最愛嘅凍Capp，開心開心。食完戴口罩 & 準備走嘅時候，店員追出嚟話有甜品送 ，話多謝我哋支持全民感謝日😊😊 完全係意料之外呀！哈哈，最搞笑係返去座位又除過口罩再食 XD甜品就係冬甩以為係螞蟻人嘅甜度，呀！又唔係喎，係偏甜嘅，但完全可以接受！仲幾好食，係