Cafe Tolo (已結業)

去開中大，當然想試下聽人講開咗o係和聲的CAFE TOLO啦，賣點係Movenpick雪糕同相相關甜品。我本身係好鍾意食窩夫既人，所以見到有都即刻點咗，不過都幾令人失望咖，因為等咗20分鐘先有得食的窩夫竟然唔脆唔鬆，感覺只係林林地的粉狀物體 認真麻麻地呀~旁邊生果係粒狀，西瓜算甜，但份量唔夠，又細粒，應該比多D。至於Movenpick雪糕部分，呢個set可以揀士多啤梨/朱古力/呍呢嗱，我就揀咗呍呢嗱雪糕，不過舊雪糕唔夠雪得凍，拎出黎個陣已經係溶溶地咁，個味道就平時Movenpick雪糕咁，夠甜同夠香。如果可以夠實正，口感就會好好多。總括而言，冇預期咁好食，所以係令人失望咖!