Cube O - Journey with Seajellies (已結業)

為了體驗呢間水母餐廳，網上預約⏰左好耐，今日終於到我喇。門外check in 真係好似參觀展覧館咁，一揭起布幕，瞬間走進🐠🐟水族世界，投射嘅海洋生態，瑩光嘅水母，漆黑嘅環境更顕色彩，呢度真係好靚呀💕可以係咁浪漫嘅環境用餐真係好開心🥳店員服務好好，帶好座位端上餐牌，更貼心提供照明工具，要打著燈光點餐挺有趣的🎈主食我點左海鱸魚🐟，魚皮煎封得香脆，簡單的調味是我最愛嘅做法，魚柳入口嫩滑多汁，伴牒有微微酸嘅油醋蕃茄碎，味道清新，烤焗蕃薯🍠清甜又健康。二人組合加多個Parma ham 忌廉磨菇意粉🍝，咸香火腿很惹胃口，忌廉汁香濃豐厚，滿滿的分佈，輕鬆share 食，睇住水母用餐心情特別愉快😜朋友嘅牛扒睇落亦唔錯，主題餐廳來講，價錢亦算合理。除咗食之外，水母萬花筒嘅視覺效果亦相當迷人。咁特別嘅環境，有得食又有得觀賞，唔駛搭飛機✈️都有旅遊嘅感覺，實在值得一試⭐️⭐️⭐️⭐️⭐️