治癒羔羊 (已結業)

位於長沙灣工廈既治癒羔羊 空間感十足 以白色木色為主調 環境愜意舒適 仲有好多打卡位⁣⁣⁣⁣⁣⁣CAFE最特別既地方 莫過於可以自己嘗試筆尖拉花⁣⁣⁣話說嗰日去到門口以為佢無開 之後打左個電話比佢 佢就開門比我地 所以大家一去到見到佢鎖左門 唔好以為係摸門釘 打左個電話先🌟蛋糕 𝕩 飲品 $97⁣⁣⁣⁣⁣⁣▪️軟軟芋泥千層蛋糕⁣千層蛋糕本身做得唔錯 餅皮夠薄 忌廉幼滑 可惜芋泥係敗筆 芋泥偏硬 呈類粒狀 味道偏淡 感覺上綿密幼滑的芋泥跟千層蛋糕會比較合襯 呢個芋泥就有小小格格不入⁣▪️碟豆花伯爵茶千層蛋糕⁣⁣千層蛋糕驟眼望已經好唔錯 餅皮夠薄 忌廉均勻 入口層次感分明 忌廉幼滑 伯爵茶味突岀 但茶控表示可以更濃郁 整體甜度恰到好處⁣⁣⁣⁣⁣⁣▪️熱焦糖脆脆鮮奶咖啡⁣⁣⁣可以自己拉花呢個體驗真係唔錯 咖啡奶味偏重 咖啡味就無咁突岀⁣⁣⁣⁣⁣▪️髒髒肥仔朱古力⁣朱古力完全係滿瀉狀態 打卡一流 可惜味道比較似平時自己用粉既沖既朱古力 甜度較高 側邊有oreo 真係可以舔一舔浸一浸⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣整體而言 環境闊落 好多打卡位 伯爵千層蛋糕味道唔錯 飲品較為遜色