桔梗 (已結業)

一步入桔梗Cafe，立刻就可以感受到滿滿嘅文青氣息同書卷味，而且空間感十足，比人一個好休閑好舒服嘅感覺。我最中意嘅位置，當然係書架附近，可以同朋友輕易影到靚靚嘅打卡相。食物方面，揀咗慢燉蕃茄牛肉意粉、黑松露干貝奶油燉飯、爐烤牛肉芝士三文治。蕃茄牛肉意粉好juicy, 蕃茄醬汁食得出唔係普通茄汁，有濃郁嘅新鮮蕃茄味。牛肉大大塊，又唔靭。黑松露干貝奶油燉飯好好味！濃濃嘅黑松露忌廉汁，好creamy,黑松露味又唔會過於濃烈。干貝又好鮮甜！牛肉芝士三文治，一啖咬落去，口感超豐富，入面有牛肉同煙肉，中意食肉嘅我好滿足。配合入面嘅生菜同酸瓜，唔會有油膩感之餘，好fresh好多汁。最後當然唔少得叫番杯靚靚嘅心心拉花latte黎打下卡啦。