影片
更多
2010-09-29
159 瀏覽
老實講, 我對日本菜是有期望的.唔一定要係高級嘢食, 也不一定要完全100% 正宗, 不過完全做唔出些微的日本精神同精髓, 倒不如去和民或元氣食, 或索性去食港日式放題! 係香港食過幾餐港人主理的日本餐後, 早有點信心漸失. 好幾次一食落口就已知道做唔到那種緻細度. 本來有少少港化咗都無乜所謂, 不過有時差得太遠啦. 其實這餐晚飯已經是去年的事. 夏季放工時早了個站落車經過這間, 看有得賣北海度~ 知床半島的羅臼鹽水馬糞海胆, 亦即係唔同平時嗰啲一板板落了明礬 (みょうばん) 來保持質感狀態同防止脫色那種. 食海胆當然即劏食是最好, 其次就是這種鹽水馬糞海胆. 仲要指定係未經雪藏的羅臼高級版. 聽落好似都幾對路. 當時三心兩意在諗, 好唔好試一次咁多? 而我猶疑嘅原因係因為我早已聞風這裡盧師傅做的是所謂的空心壽司 ~ 但我也會在想, 係香港嘅高級鮨店又好或日本嘅鮨店又好, 有無人見過壽司師傅會做空心飯比你？ 當然係無. 其實係日本, 空心壽司完全不是這樣用的回事, 不過就真係在特殊情況下先會可見識到, 所以我早就覺得這只是 marketing gimm
唔一定要係高級嘢食, 也不一定要完全100% 正宗, 不過完全做唔出些微的日本精神同精髓, 倒不如去和民或元氣食, 或索性去食港日式放題! 係香港食過幾餐港人主理的日本餐後, 早有點信心漸失. 好幾次一食落口就已知道做唔到那種緻細度. 本來有少少港化咗都無乜所謂, 不過有時差得太遠啦. 其實這餐晚飯已經是去年的事. 夏季放工時早了個站落車經過這間, 看有得賣北海度~ 知床半島的羅臼鹽水馬糞海胆, 亦即係唔同平時嗰啲一板板落了明礬 (みょうばん) 來保持質感狀態同防止脫色那種. 食海胆當然即劏食是最好, 其次就是這種鹽水馬糞海胆. 仲要指定係未經雪藏的羅臼高級版. 聽落好似都幾對路.
當時三心兩意在諗, 好唔好試一次咁多? 而我猶疑嘅原因係因為我早已聞風這裡盧師傅做的是所謂的空心壽司 ~ 但我也會在想, 係香港嘅高級鮨店又好或日本嘅鮨店又好, 有無人見過壽司師傅會做空心飯比你？ 當然係無. 其實係日本, 空心壽司完全不是這樣用的回事, 不過就真係在特殊情況下先會可見識到, 所以我早就覺得這只是 marketing gimmick. 最高級的壽司, 是要師傅用陰力將整枚壽司的飯內外都壓得剛剛好, 而這是不容易做到, 切功更加是講易難做. 不是任由師傅係飯下面做出條罅仔, 再摺埋就可叫做高級空心壽司. 咩練咗五年先成氣候的空心飯, 為何又唔見日本啲奪星壽司店咁做? 不過乜都係假的, 試過就知龍與鳳.
＊＊＊＊＊＊＊＊＊＊＊＊
晚間的上壽司定食 - $320
有常見的甜蝦, 帶子, 赤身, 中拖羅, 普通版海胆, 鯛, 三文魚, 醃鯖魚, 油甘, 平目, 等等.
- 看第一眼就知賴嘢. 啲壽司竟然係逼住放埋一齊, 排排坐有得食水果咁款. 好像打仗時團守城門驚死坐遠啲都會比人破城, 獨自企唔穩的樣子.
- 山葵是濕到成 pat 嘢那種. 連開粉都唔識開.
- 一食, 或應說是離遠地一索, 點解啲醋味咁利害的? 啲飯也是又濕又淋, 連板X系最差的分店都唔會做到咁低的水準, 可以說是超失敗. 醋味絕對是刺喉刺鼻的級別.
- 啲魚, 切到好像衣索比亞人咁瘦掹掹, 最差嘅係三文魚, 左邊一整忽竟然是無咗係崩的.
- 還未說完, 亦講你也未必信. 那件所謂新鮮自家醃的 醃鯖魚 (〆さば), 竟然醃到變咗苦的. 真係前無來者, 後無古人.
- 其實其他魚或蜆類確實是幾新鮮的, 這方面勉強挽回了一分.
羅臼鹽水馬糞海胆 - $80
- 大家不况留意下, 有無見過咁亂七八糟的海胆軍艦壽司？ 好似亂葬咗埋係一起, 都唔知邊忽打邊忽.
- 這海胆無疑是新鮮的, 但個飯當然還是又濕又酸, 賣相甚至差過很多港式壽司店. 我記得我十一年前, 自己做壽司雖然都係幾難食, 但都無咁酸酸濕濕. 壽司不是這麼容易做的, 遲啲係我blog 度, 日後再放自己做的壽司 Set.
*****************************
講真, 我真係食完之後好忿怒. 又話跟大師傅學過再自己研究咗五年有多, 之後仲出書教人點樣做初學者的壽司.
比佢氹得入嚟食. 唔同唔肯俾錢走人嗎? 完全覺得做乜鬼空心壽司, 連最基本嘅嘢都達唔到基本水平, 仲敢去出書去教導人. 煮埋啲又濕又爛, 又刺喉嘅壽司飯, 比日本師傅見到倒咗好耐, 鬧咗幾十次了. 唯一比較做得好少少的係頭盤的燒鴨胸肉同埋尾的雪糕. 其實想咗好耐好唔好寫這負面食評, 因員工及包括師傅在內, 都很有禮貌充滿笑容. 但食四百幾蚊一個人, 食啲咁嘅質素, 我驚我唔寫有點對唔住自己或其他食家. 請店主好好反醒下吧...
絕對是一餐失望的晚餐.
張貼
