今次同事揀咗呢間賞茶, 其實我地都係嗰幾間輪住叫, 茶痴, 賞茶, 清玉, 天仁, 係咁LOOP~ hahahaa
我今次揀咗冰鳳梨蘆薈冰茶, 佢地揀咗冰冬瓜仙草, 冰桂花烏龍, 冰桂花凍烏龍奶茶. 話說D嘢飲黎到, 我地好開心咁飲啦梗係.... 飲飲吓, 個同事問, 佢嗰杯乜黎, 佢明明叫咗冰桂花凍烏龍奶茶, 點解會有嘢咬既??! 佢話冰桂花+凍烏龍+奶茶, 佢又冇加嘢, 究竟佢叫咗D 乜? 佢最驚其實係拎錯咗人地嗰杯.....
我地諗咗好耐, 先拆解到, 原來佢叫既係冰。桂花凍。烏龍。奶茶, 所以佢食緊既其實係桂花凍...... 呢次真係兒子生性病母倍感安慰， 獅子山下體現香港精神D FRIEND...... 標點符號既重要性.....
拆解到之後, 個同事笑到收唔到聲~ 一杯嘢飲, 除咗有得食, 有得飲之外, 仲可以笑餐飽, 好抵呀~ 哈哈~
1
