影片
更多
2008-12-26
13 瀏覽
話說12月24號係平安夜又係老公生日，當然要搵個好地方慶祝下，上左openrice搵左好耐，見九龍酒店個christmas buffet 好似好正咁，就扑槌訂佢地second round既dinner buffet由於之前一路左揀右揀，搞到好遲先至訂位，所以得番中菜廳既檯可供選擇，原本仲怕中菜廳情調冇咁好，之後反而慶幸好彩訂既係中菜廳，因為自助餐區ｄ位排得好貼，又逼又嘈，相反中菜廳一張圓檯只係坐兩個人，而且成間廳房大概得十二張檯，靜靜地一路食野一路喁喁細語，非常浪漫，真係錯有錯著喇！呵呵～buffet時間由8:30至10:30，剛開始當然食冷盤先啦，食左生蠔、翡翠螺、凍蜆、長腳蟹，可能個人偏好冷盤啦，覺得好好味，另外仲有藍青口、蝦同埋鮑魚仔，不過我冇食到，因為我本身唔食青口，蝦又好似好普通，而鮑魚仔係剛好冇晒未refill，之後唔記得左食，仲要第二日先諗番起，好遺憾呀！之後又食刺身同埋凍肉，刺身質素都唔錯，幾新鮮；凍肉好味，尤其係風乾火腿配蜜瓜片，估唔到咁夾喎然後到熱盤，都幾多選擇，但由於冷盤食得太多，肚容量所剩無幾，只係食左金銀蒜蒸象拔蚌仔、咖哩羊肉、油酥餅，湯有紅燒蟹肉翅同花膠燉螺
由於之前一路左揀右揀，搞到好遲先至訂位，所以得番中菜廳既檯可供選擇，原本仲怕中菜廳情調冇咁好，之後反而慶幸好彩訂既係中菜廳，因為自助餐區ｄ位排得好貼，又逼又嘈，相反中菜廳一張圓檯只係坐兩個人，而且成間廳房大概得十二張檯，靜靜地一路食野一路喁喁細語，非常浪漫，真係錯有錯著喇！呵呵～
buffet時間由8:30至10:30，剛開始當然食冷盤先啦，食左生蠔、翡翠螺、凍蜆、長腳蟹，可能個人偏好冷盤啦，覺得好好味，另外仲有藍青口、蝦同埋鮑魚仔，不過我冇食到，因為我本身唔食青口，蝦又好似好普通，而鮑魚仔係剛好冇晒未refill，之後唔記得左食，仲要第二日先諗番起，好遺憾呀！
之後又食刺身同埋凍肉，刺身質素都唔錯，幾新鮮；凍肉好味，尤其係風乾火腿配蜜瓜片，估唔到咁夾喎
然後到熱盤，都幾多選擇，但由於冷盤食得太多，肚容量所剩無幾，只係食左金銀蒜蒸象拔蚌仔、咖哩羊肉、油酥餅，湯有紅燒蟹肉翅同花膠燉螺頭揀，我揀左花膠燉螺頭，個湯好鮮甜，原本想飲多個，點知途中俾其他食物吸引左，之後又唔記得左，又係第二日至諗番起，真無奈．．．
其實仲有其他熱盤，款式繁多我又記唔晒，不過值得一提既係個芝士焗龍蝦，每人一客，又彈牙又鮮甜，正！
但係甜品就遜色左d，款式唔多，味道又太甜，連我呢個甜品愛好者都覺得"漏"，可想而知啦
雖然款式唔少，味道都唔錯，但都係有名不副實之嫌，因為openrice入面既聖誕情報網頁，提到會有魚子醬俄羅斯龍蝦沙律、鵝肝百花釀蟹鉗、燕窩焗釀蟹蓋、法國鵝肝配牛柳同埋法式杏仁餅 (Macaron)呢幾款食物，起初我見唔到，仲以為係自己睇漏眼，後來我來回行左幾次，望住食物既名牌逐個睇，搵黎搵去，都見唔到魚子醬、鵝肝、燕窩等等既食物名稱出現過；而法式杏仁餅我見過有，就係我剛到達第一次拎食物既時候見過一次，但係數量唔超過十個，之後就再冇見過，亦唔見有refill過，好令人懷疑係first round食完剩低既貨尾
講真，某程度上我都係為左上面個幾款食物先至訂呢間酒店既buffet，但係去到又食唔到喎，其實都幾失望，我就梗係有被騙既感覺啦，but我老公話聖誕buffet六百幾蚊有咁多款式算幾抵食；所以總括黎講，食物既味道同質素都幾好，服務又唔錯，價錢都ok（以帝苑酒店冇乜特別既聖誕buffet都要過八百蚊相比），可以一試，不過抵唔抵食就見仁見智喇
**掛住食唔記得影相, 所以冇相提供, 不過就有聖誕情報網頁既網址
http://www.openrice.com/restaurant/buffet.htm?shopid=3988
張貼