麻辣風雲 (已結業)

食川菜絕對聽過呢間店，之前食開荃灣店，今次出開九龍就去左試旺角店。環境幾企理坐得舒服。荔枝蝦球 $108★★★★☆老實講真係因為一半顏值一半好奇而叫，本身都冇太大期待。上枱仿真度十足之餘仲有煙飄出黎好仙氣，打卡一流！蝦球有8粒，雖然似荔枝，但其實食落完全冇關係，外面酥脆，入面就有蝦肉好彈牙。呢個菜式即使放涼左食都仲KEEP到香脆，出面扮荔枝皮嘅有啲似早餐穀粒，但冇味道。仲可以點埋佢個醬汁食，有啲酸甜味就更開胃。睇得、食得，玩味式十足，小朋友絕對會鍾意嘅一道菜。酸菜魚 $268★★★★☆每次食呢間都會叫酸菜魚，叫大酸，湯底夠哂酸，重口味之選，爽！魚肉份量唔少，滑溜唔會有腥味！入面仲有菇、好煙韌寬粉、爽脆萵筍、豆卜，全部都幾入味。花雕醉雞 $1★★★★★一坐低就見到呢個優惠，食滿$500蚊就可以用1蚊雞就食到本身呢個價值$98蚊嘅小菜，簡直係抵到爛！黎到份量都唔會太少，有成7-8件雞，食落雞胸肉位置都唔會太過鞋口，加埋呢個唔算太重酒味，偏甜少少嘅汁，大部份人都啱食，1蚊真係冇投訴！乾煸四季豆 $88★★★★☆呢個菜式正常發揮，肉碎份量同四季豆差唔多係一比一，超咸香勁好餸飯！四季豆唔會太油膩