豚王 (新城市廣場) (已結業)

本身冇諗住星期五晚都食拉麵但沙田新城市實在太多人呀幾乎每間都要等位，見豚王冇咩人等，好似比較容易攞位。沙田呢間嘅裝修同埋擺位有啲特別，佢全部都係有一大張枱然後同幾個唔識嘅食客一齊坐，冇得唔搭檯，雖然位置比較迫但係我都覺得幾特別，一直望住其他人究竟叫咗啲乜嘢野食。因為我實在太鍾意食豬骨湯嘅拉麵啊所以我都係食返普通嘅叉燒豬骨拉麵，仲追加左叉燒。後尾仲聽到店員話加叉燒已經冇貨啦，我諗係驚叉燒嘅供應量不足掛。味道同埋口感就同尖沙咀同其他分店都係差唔多都係咁好味真係好鍾意飲佢哋嘅湯底。如果星期六日唔想等位等太奈嘅話都可以過嚟食～