影片
更多
2015-11-29
351 瀏覽
好耐之前已經留意到有積木蛋糕，覺得佢個樣勁得意，但因為Pantry Bread & Pastries過往一直只響港島區設店，我懶過條蛇，唔想過海，所以同佢緣慳一面。直至最近，知道佢響九龍城開左舖，我當然要出動會一會佢。柔和既色調，有趣既掛畫，Pantry由門面到內部裝修，都俾我一種藝術得黎好cozy既感覺。一走入店內，就係蛋糕櫃，七彩繽紛，款款都咁靚，實在叫我意亂情迷，應該揀咩好？唔好講咁多，積木蛋糕我食梗架勒。問題係，連積木蛋糕都有四隻色，點揀好？綠色既青檸奶凍？黃色既芒果慕思？紅色既紅桑子乳酪慕絲？抑或要藍色既藍啤梨芝士？正當猶疑不決之際，店員熱心推介：「你鍾意酸味既就試青檸，但如鍾意甜就可以試芒果。」都仲係揀唔到，最後，我~決~定~揀~色~，哈哈，就要紅色啦！紅桑子乳酪慕絲，面層係好薄既朱古力，切開黎睇，有紅桑子Puree(甜中帶酸)、朱古力脆脆(輕微的朱古力味，唔會搶左紅桑子既味道)、紅桑子啫喱(有少少果肉，正！)、紅桑子乳酪慕思(軟滑兼有乳酪味)、海綿蛋糕(鬆軟)。嘩，真係唔好睇小一塊小蛋糕，原來入面有咁多層次，好考功夫啫！一場黎到，試多幾款先。再揀左朱古力香蕉餅，呢個配搭一
柔和既色調，有趣既掛畫，Pantry由門面到內部裝修，都俾我一種藝術得黎好cozy既感覺。一走入店內，就係蛋糕櫃，七彩繽紛，款款都咁靚，實在叫我意亂情迷，應該揀咩好？
唔好講咁多，積木蛋糕我食梗架勒。問題係，連積木蛋糕都有四隻色，點揀好？綠色既青檸奶凍？黃色既芒果慕思？紅色既紅桑子乳酪慕絲？抑或要藍色既藍啤梨芝士？正當猶疑不決之際，店員熱心推介：「你鍾意酸味既就試青檸，但如鍾意甜就可以試芒果。」都仲係揀唔到，最後，我~決~定~揀~色~，哈哈，就要紅色啦！
紅桑子乳酪慕絲，面層係好薄既朱古力，切開黎睇，有紅桑子Puree(甜中帶酸)、朱古力脆脆(輕微的朱古力味，唔會搶左紅桑子既味道)、紅桑子啫喱(有少少果肉，正！)、紅桑子乳酪慕思(軟滑兼有乳酪味)、海綿蛋糕(鬆軟)。嘩，真係唔好睇小一塊小蛋糕，原來入面有咁多層次，好考功夫啫！
一場黎到，試多幾款先。再揀左朱古力香蕉餅，呢個配搭一向係我飛佛。可能係因為用左黑朱古力啦，蛋糕唔會太甜，朱古力味濃，再加上香蕉，增添清新感覺。
女人個甜品胃真係不容小覷，再黎果餡酥同Affogato Al Cafe。果餡酥好正，酥皮好脆，帶甜，中間係軟滑既吉士同蘋果肉，整個配搭好好，勁推介，我下次黎都一定會再食！
Affogato Al Cafe係傳統意大利甜品，如果你鍾意飲咖啡，呢個定必啱你口胃：將香濃既espresso淋響雪糕上面，底層係粒粒咖啡啫喱同蜜糖啫喱，加埋早餐cereal、提子乾咁，好豐富。呢個甜品實在唔算甜，反而係略帶咖啡既香濃苦澀味，咖啡迷必點！
張貼
