塚田食堂

營業中

休息中

平時都鍾意嚟呢到開餐，貪佢坐得舒服，食物種類又多。有刺身啦、日式熟食定食、小火鍋。不得不提嘅係，加$15 就有個自助沙律添。不過今日唔係太餓，就咁叫左個定食。炸豬扒定食 $98豬扒炸得香脆，而側邊啲沙律菜更加係畫龍點睛，可以中和油膩感。薯仔沙律更加係我至愛。如果沙律吧有埋呢個就一流啦。朋友就嗌左蛋包飯帶池魚定食 $98嫩滑嘅蛋包住蕃茄醬炒飯。而炸帶池魚都炸得好香脆，沾上沙律醬食，口味特別夾。份量十足，真心抵食。