米奇廚師餐廳 (已結業)

　是日大公主生日，本來想訂翠樂庭，但當日已經full booking, 唯有試吓呢間，話晒都係酒店嘅餐廳應該唔會好差掛！喺網上printout coupon 仲有優添！　　我哋一行七人六點半左右到達Hollywood Hotel, 停車場係免費任泊嘅，間酒店外觀唔太grand，裡面有間賣迪士尼嘢嘅鋪頭，無入迪士尼樂園都可以買到紀念品都唔錯呀！IMG:1]　　餐廳嘅環境好舒服，我哋被安排坐圓形大枱，好好呀，因為方便大家傾偈！　　食物種類唔算多，但各款嘅味道都非常好，有魚生、點心（有豬仔造型嘅包包，好得意）、廣東小炒、印度咖哩、沙律、自助軟雪糕等等...仲有米奇頭造型嘅食物：米奇曲奇餅、米奇甜品、米奇頭pizza等...但如困你想食生蠔嘅話，sorry，呢度無供應，我䁷得全場最名貴嘅應該係亞拉斯加蟹腳，味道好鮮甜，食多幾隻腳都值回票值啦！　　我訂位時訂埋個一磅裝嘅蛋糕，九十幾蚊，唔算貴，而且仲換嚟對大公主嘅小驚喜，令壽星女好開心！　　不過有小小地方需要改善，食到差唔多尾聲先知原來每人包一杯飲品，全程無人同我哋講，係見到隔離枱有先知！