I Leisure (已結業)

M佬終於完成咗個大project，一於食佢最鍾意嘅海鮮慶祝一吓啦！今日同佢嚟到尖沙咀嘅I Lesiure，呢度主打shake shake海鮮袋配獨創嘅秘製馬拉辣汁，辣得夠滋味！加上餐廳有幾張大鳥籠餐枱，環境好靚好chill，仲可以影相打卡呀！海鮮shake shake袋店員幫我哋shake海鮮嘅同時，我哋就著好圍裙、戴好手套，準備開動喇！食shake shake海鮮嘅重點當然係個醬汁啦，餐廳獨創嘅馬來西亞特色辣汁，第二度真係食唔到㗎！一打開海鮮袋就聞到一陣香辣味，我哋揀咗中辣，夠辣好惹味！海鮮袋入面有鮑魚、大蝦、大蜆、扇貝、青口、芝士腸同粟米，鮑魚同海蝦夠新鮮又彈牙，蝦頭仲有好多膏添；大蜆同扇貝夠晒大粒兼漲卜卜，除咗鮮甜味，撈埋辣汁，越食越過癮！整體嚟講，份量夠多，又夠入味！麻辣小龍蝦相信用咗大量辣椒、花椒同香料，辣味好有層次，香料味濃，越食越辣！至於小龍蝦洗得夠乾淨，肉質彈牙，最緊要係好入味！德國豬手脆皮豬手預先切好，食得夠晒方便。豬手烤得好香脆，外皮脆卜卜，豬手啖啖肉，加埋芥末醬，滋味又唔油膩。